قالوا الرجال
قالوا الرجال ان النسا ملهمش في الوزارات
ونهار أبونا مسا لو حكموا الستات في وزارة التموين والإقتصاد بالذات
هتضيع فلوس البلد على اللبس والبوتيكات
بالذمة دا اسمه كلام
يبقى وزيرنا مدام واسم البعيد فتكات
يختي عليه لو مشي
يدخل مجالس إشي
لابس قميص شفتشي
من كلمة واحدة يختشي, وينزل صويت وعياط
يا أهل العلام والأدب
اقرؤا التاريخ اللي اتكتب, فوق الطريق علامات
كليوباترا حكمت بلد
بالحيلة ويا الجلد
من غير لا خد ولا هات
وكام من وزير كان قفا
جه في الطريق واختفى
ولهف معاه ألوفات
قصر الكلام يتقال
من فيهم اللي يفيد, مش مسألة عضلات
وساعات كتير ستات بيكونوا رجالة
ورجال بطبع النسا وطلعلهم شنبات
تأليف : شاعرة عايزة أعرف اسمها
posted by marwa @ 3:33 AM
2 Comments:
شكرا يا ياسر على زيارتك للبلوج , وعايزةأقولك خلاص طول ما في في مجتمعنا نساء زي الدكتورة نهى الزيني وهي شخصية بحترمها جدا وهي مثال يحتذى به وقدوة لأي بنت اذا مفيش داعي انك تكون معارض لفكرة ان المرأة تمسك مناصب سيادية, وعموما أنا مبسوطة جدا ان في حد رجل مقتنع بإن المرأة ممكن يبقى ليها دور مؤثر في المجتمع مش بس دورها كزوجة وأم وست بيت لكن دورها كإمرأة متعلمة وعاملة, رغم انك متأثر برده بفكرة ان الست في حاجات معينة متنفعش فيها, وانها أقل من الرجل في الحاجات ده , لكن مش مشكلة مع الوقت ومع استمرار ظهور ناس مثل الدكتورة نهى الزيني والطالبة آلاء فرج , انشا ءالله هتغير رأيك, وأنا مقتنعة جدا ان أي مهنة تتطلب العقل والعلم هي تصلح للرجل والمرأة سواء
ايمان بكري
Post a Comment
<< Home