أنا راجل
كلمة بنسمعها كتييير , من أي راجل عايز يبرر تصرفات غلط بيعملها, , لما يكون بتاع ستات وعينه زايغة وبيضحك على ده وده يقول أصل أنا راجل ,ولما يعاكس البنات في الشارع يقول أصل أنا راجل, ولما يشتم ويقول ألفاظ وحشة يقول أصل أنا راجل, ولما يرجع البيت متأخر عشان كان سهران مع شلة بايظة يقول أصل أنا راجل, ولما يشرب سجاير ويدمن حشيش ويسكر يقول أصل أنا راجل,ولما يضرب مراته ويهينها يقول أصل أنا راجل, وغيره وغيره وغيره من المصايب اللي بيبررها بالرجولة , والحقيقية ان الرجولة ومعنى الرجولة بريء من الحاجات ده, الرجولة مسؤولية وأخلاق واحترام وذوق وأدب
المصيبة بقى انه لو اكتشف ان أخته أو مراته مثلا بايظة زيه برده بيقولها أنا راجل أعمل اللي أنا عايزة لكن انت بنت, طب ده بدل ما تصلح نفسك وتبقى قدوة تقوم تستمر على الغلط وكمان تسميه رجولة, يعني لو مصمم على تصرفاتك انت حر بس بقى بلاش تقول أنا راجل قول أنا "------" أي حاجة تانية بعيد جدا جدا عن الرجولة
وربنا سبحانه وتعالى ذكر كلمة رجال في القرآن الكريم في آيات كتير ومنها الآيات ده
المصيبة بقى انه لو اكتشف ان أخته أو مراته مثلا بايظة زيه برده بيقولها أنا راجل أعمل اللي أنا عايزة لكن انت بنت, طب ده بدل ما تصلح نفسك وتبقى قدوة تقوم تستمر على الغلط وكمان تسميه رجولة, يعني لو مصمم على تصرفاتك انت حر بس بقى بلاش تقول أنا راجل قول أنا "------" أي حاجة تانية بعيد جدا جدا عن الرجولة
وربنا سبحانه وتعالى ذكر كلمة رجال في القرآن الكريم في آيات كتير ومنها الآيات ده
رِجَالٌ لا تُلْهِيهِمْ تِجَارَةٌ وَلا بَيْعٌ عَنْ ذِكْرِ اللَّهِ وَإِقَامِ الصَّلاةِ وَإِيتَاءِ الزَّكَاةِ يَخَافُونَ يَوْماً تَتَقَلَّبُ فِيهِ الْقُلُوبُ وَالأَبْصَارُ} [النور:36, 37].
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلاً} [الأحزاب:23].
ده معنى الرجولة في القرآن الكريم, وهما دول الرجال في نظر الله سبحانه وتعالى
أكيد مش كال الرجالة كدة وأكيد في رجالة محترمين بينطبق عليهم معنى الرجولة بجد , بس برده في رجالة كتييييييييييييييييييير من بتوع كلمة أنا راجل
posted by marwa @ 1:13 PM
8 Comments:
مش عارف انا معاكي فعلا في موضوع ان فيه رجاله كتير بقم كده والرجوله فقدت معناها بسببهم فيه رجالة عندهم الرجولة بالزعيق والشخط ونظام سي السيد وتلاقيه بايظ ومش عارف ايه بس
وفيه بقى كمان الجديد ان الراجل مايعيطش ومش عارف ايه اه صح بس كل انسان عنده احساس لازم هايدمع ولو بينه وبين نفسه بس بالمعنى ده يبقه الراجل معندوش احساس وده مش حقيقي انا بعتبر ان الرجولة هي الاحساس بالمسؤولية والقدرة على استيعاب المواقف بالعقل
ربنا يهديهم يارب
بس مايمنعش اننا اقول صل اننا راجل بس نقولها في موقفها ونطبقها مش نقولها زي لبان في بقنا
وربنا يسترها
والله فى رجاله كدا فعلا
ودا راجع كتير لتربيتنا اصلا لان الولد لما بيعمل حاجه ولو كانت غلط بتغفر له اكتر ما بتغفر للبنت فا منقدرش نجيب اللوم عليهم اوى لأن ديه ثقافة مجتمع بما فيهم كتير جدا من الستات اللى بتلقيهم بيتكلموا برده بنفس المنطق لما يقارنوا مثلا راجل بست فى موقف واحد بيقولوا دا راجل مايعيبوش حاجه لكن الست لا
فى رأيى اننا بعدنا عن الدين وبنحكم على التصرفات بمقايسنا احنا ربنا يهدينا جميعا ونرجع للدين
وطبعا انا بقول كده علشان انا راجل هههههههههههههه
بين الأمل واليأس
أنا معاك أنا برفض فكرة ان الراجل لازم ميعيطش والكلام ده لأن الراجل انسان عنده مشاعر واحساس ,والطبيعي انه ممكن يعيط وده حاجة متتعارضش مع الرجولة أبدا لكن يمكن العكس, وطبعا الرجولة هي القدرة على تحمل المسؤولية, لكن للأسف كتير مش بيفهموا ده
ميرسي لمرورك على مدونتي المتواضعة
محمود
أنا كمان في رأيي ان ده بعد عن الدين, وفعلا للأسف ان في ستات كمان مش رجالة بس عندهم المفهوم ده وطبعا كل ست عندها المفهوم ده بتنقله لابنها عشان لما يكبر يبقى من وجهة نظرها هي
راجل
ميرسي يا محمود لتعليقك
الله يا مروة حلوة اوى بجد المدونه كنتى مخبيا عنى الكلام ده فين و بجد موضيعها ممتازة و تمس مرحلتنا دى اوى
ابو صلاح قال
ولدى اليك و بدل البالون ميت بالون
انفخ و طرقع فيه على كل لون
عساك تشوف بعنيك مصير الرجال
المنفوخين فى الستره و البنطلون
عجبى!!
و الله حكم يا ابو صلاح مش هاتكلم كتير لان الرباعيه شرحه الى نفسى اقوله بس ياريت الى يقراها يفهمها بجد
بس بيقولو الرجال افعال
الافعال اقوى الكلام
انا بتكلم عن الرجال فى مجموعهم ومش فى جميعهم علشانمحدش يفهمنى غلط
بس هى فين
الافعال دى علشان يبقى فيه رجال اصلا
و رجاله بس والله علشان ما اظلمش حد فى شباب ورجاله زى الورد و جمال اوى فى كل حاجه
بس مش كله نسبه بسيطه
رانيا
حلوة أوي يا رانيا كلمات صلاح جاهين ده ميرسي انك كتبتيها, ومبسوطة أوي ان المدونة عجبتك
انا راجل
بس موافق على معظم كلامك موضوع شيق بس زي من انتى قولتى لسه في رجاله ما بيقولش
انا راجل
وعلى فكره انا عامل موقع جديد
وياريت تشرفينى بالزياره
منتظر زيارتك
سلطان الخواطر
أكيد طبعا في رجالة بجد بس للأسف في كتير مش فاهمين معنى الرجولة, ميرسي لزيارتك وتعليقك وأكيد هزور المدونة بتاعتك
Post a Comment
<< Home