وهم سي سيد
استفزني أوي كلام سمعته من بعض البنات في برنامج في التليفزيون, لما المذيعة سألت هم انتوا بتفضلوا شريك حياتكم تبقى شخصيته ازاي يعني يبقى شاب روش طحن من شباب الأيام ده وماشي على الموضة وسبور وكدة , ولا يبقى شخص موديل قديم شوية, عاقل وهادي ومتزن؟
يعني غير ان السؤال أصلا استفزني وحسيت ان البرنامج تافه والمذيعة تافهة, جت الإجابة من بعض البنات أكثر استفزازا ,جت بنت قالت أنا نفسي جوزي يبقى سي سيد عايزة شخصيته تبقى زيه بالظبط, عشان هو ده الراجل بمعنى الكلمة الراجل اللي شخصيته قوية ويقدر يتحمل المسؤولية (قصدها يعني على سي سيد)
مش عارفة ازاي سي سيد يكون راجل بمعنى الكلمة, يعني لو رجعنا لقصة سي سيد ده هنلاقي انه كان راجل بيستغل ضعف وطيبة مراته ويشخط وينطر فيها عمال على بطال, وبعدين يستغل برده طيبتها ويخونها مع أحقر النساء, ورغم انه زوجته كانت ست طيبة و مطيعة وطاهرة ,كان يتفرعن عليها ويعمل عليها أسد ويتحكم فيها ويذلها وبعد كدة يسيبها ويروح للرقاصة الحقيرة ويبقى كلب نجس تحت رجليها
يعني باختصار سي سيد كان من أحقر الرجال
يبقى ازاي تيجي بنت تقول أنا عايزة جوزي يبقى زي سي سيد,
وطبعا زي ما في بنات كدة في برده شباب بيتباهوا وبيفتخروا انهم زي سي سيد, حاجة مستفزة
قال رسول الله صلى الله عليه وسلم:"اذا جاءكم من ترضون دينه وخلقه فأنكحوه إلا تفعلوه فتكن فتنة في الأرض وفساد"
يعني غير ان السؤال أصلا استفزني وحسيت ان البرنامج تافه والمذيعة تافهة, جت الإجابة من بعض البنات أكثر استفزازا ,جت بنت قالت أنا نفسي جوزي يبقى سي سيد عايزة شخصيته تبقى زيه بالظبط, عشان هو ده الراجل بمعنى الكلمة الراجل اللي شخصيته قوية ويقدر يتحمل المسؤولية (قصدها يعني على سي سيد)
مش عارفة ازاي سي سيد يكون راجل بمعنى الكلمة, يعني لو رجعنا لقصة سي سيد ده هنلاقي انه كان راجل بيستغل ضعف وطيبة مراته ويشخط وينطر فيها عمال على بطال, وبعدين يستغل برده طيبتها ويخونها مع أحقر النساء, ورغم انه زوجته كانت ست طيبة و مطيعة وطاهرة ,كان يتفرعن عليها ويعمل عليها أسد ويتحكم فيها ويذلها وبعد كدة يسيبها ويروح للرقاصة الحقيرة ويبقى كلب نجس تحت رجليها
يعني باختصار سي سيد كان من أحقر الرجال
يبقى ازاي تيجي بنت تقول أنا عايزة جوزي يبقى زي سي سيد,
وطبعا زي ما في بنات كدة في برده شباب بيتباهوا وبيفتخروا انهم زي سي سيد, حاجة مستفزة
قال رسول الله صلى الله عليه وسلم:"اذا جاءكم من ترضون دينه وخلقه فأنكحوه إلا تفعلوه فتكن فتنة في الأرض وفساد"
posted by marwa @ 3:27 PM
19 Comments:
ياااااااااااااه
انتي لسة عايشة
هههههههههههههههههههههههه
انتي مفروسة قوي كده من الرجالة
بس طبعا معاك حق
سي السيد دي شخصية مرفوضة تماما
واصلا مفيش في زمنا ده راجل يقدر يعمل زية
في
ست سيدة دلوقتي
انت مسمعتيش بجمعية المساواة بالمرأة
حلو اوى انا ثانى كومنت
ايه الكره ده كله
انتى شكلك بتكرهى
الرجالة موووت
بس على فكر ه
انا شايف شباب بيكرهو
سى السيد يعنى
ماتقلقيش
الرجالة لسه بخير
الدور والبقى عليكو انتو
شادي
أنا لسة عايشة الحمدلله يا شادي, انا مش مفروسة من الرجالة كلهم لكن من اللي بيفكروا تفكير غلط, وبجد سدقني في رجالة زي سي سيد بيبقوا شايفين ان الزوجة هي مجرد واحدة شغالة تطبخله وتخدمه وتراعي ولاده لكن مش ضروري تبقى حبيبته وصاحبته ويبقى ليها كرامة وحقوق, ويمكن البنات اللي شخصيتهم زي أمينة قلوا, لكن لسة في رجالة متأثرين بشخصية سي سيد, أما بالنسبة لجمعية المساواة بالمرأة فا بصراحة مسمعتش عنها, بس مش عارفة لو موجودة هتبقى المساواة في ايه بالظبط ؟ :)
سلطان الخواطر
أنا والله مش بكره الرجالة ولا حاجة , بالعكس أنا شايفة ان دلوقتي في شباب كتير بقى عندهم ثقافة ووعي,وفاهمين ان زي ما الراجل بيبقى ليه حقوق , الست كمان ليها حقوق, بس برده في رجالة كتييييييييييييييير أوي مش فاهمين ده, بس أنا مبسوطة انك بتقول في شباب بيكرهوا سي سيد , يعني في أمل:)
دي جمعية عاملها واحد عنده بتاع سبعين تسعين سنة كده
اتخنق من كتر مطالبة المرأة المساواة بالرجل
وحس ان المرأة خدت اكتر من حقها
مع اني بكل صراحة شايف مجتمعنا مجتمع ذكوري والمرأة فيه لم تأخد حقها
واللي خدو حقهم هما طبقات معينة من الشعب
لكن الاغلبية لسة
وسمعني اغنية منير
بنات
سلاماتي واحتراماتي
سي السيد
ال سي السيد ال
خلاص الناس دى عصرها مشى وانتها
شادي
كلامك صح يا شادي, مجتمعنا مجتمع ذكوري جدا جدا, والراجل بتاع الجمعية ده اظاهر لما كبر بقى يخرف :)
وهسمعك أغنية البنات البنات ألطف الكائنات لسعاد حسني عشان بحبها أوي
:)
أجدع واحد في الشارع
منا بقول كدة برده
سى السيد الكلمه دى اتلغت من قموسى و للاسف يا مروة
فى بنات بتتمنى سى السيد مش عارفه ليه وحده زميلتى مره قالتلى انا نفسى اتجوز راجل حمش قلتلها ازاى قالتلى يعنى بعد ما يكلمنى اى كلمه ينولنى قلميين و طول عمرها بتتمناه اتخبطت دلوقتى و بتشتكى من التحكم من اولهاعلى راى ابو صلاح ""لا تجبر الانسان و لا تخيره يكفيه ما فيه من عقل بيحيره اللى النهارده بيطلبه و يشتهييه هو الى بكره ح يشتهى يغيره و عجبى
سى السيد ده فعلا شخصيه مرفوضه و مكرووهه و قدوة سيئه و للاسف فيه و لاد فكرين نفسهم سى السيد و انا
قبلتها فعلا
:(
nona elsha3nona
نونة حبيبتي, نورتي المدونة والله
للأسف يا نونة في شباب بيفتكروا انه الرجولة هو انه يكون زي سي سيد,وللأسف برده عشان احنا مجتمع ذكوري, في ناس بتربي بناتها على انها عشان بنت يبقى لازم دايما تبقى تحت سيطرة الراجل ولو الراجل ده جوزها كمان فا من حقه يديها فوق دماغها عشان يأدبها ويربيها ,عشان ما تخرجش من طوعه أبدا,ولازم يدبحلها القطة زي ما بيقولوا, عارفة في ناس بتبقى مستغربة من الكلام ده وفاكرة ان مبقاش في رجالة كدة لكن والله في كتيييير وبقابل ناس بالتفكير ده كتييير
ميرسي يا نونة على تعليقك :)
موضوع فعلا جميل بس كنت عايزة أقولك حاجة يا مروة البنات اللي قالوا إنهم بيفضلوا سي السيد اعتقد أنهم يقصدوا الرجل قوي الشخصية المسئول عن البيت لكن اكيد ما يقصدوش تفاصيل الرواية من خيانته لمراته والكلام ده .. أعتقد أن أي بنت بتحلم براجل بجد يقدر يحسسها بالأمان وتعتمد عليه بعد ربنا في كل حاجة في حياته ويشيل عنها كل المسئوليات وهي طبعًا تشيل معاه بس تحس معاه بالمعنى الحقيقي للقوامة اللي ربنا إداها للراجل لأن القوامة تكليف مش تشريف
ياريت نلاقي رجالة قوامين بمعنى الكلمة مش ذكور وخلاص !!!!
موضوع جميل يا مروة
aliaa abdelfatah
لولو يا قمر, يمكن عندك حق ان البنت لما بتقول كدة قصدها راجل شخصيته قوية, بس بجد والله في ناس متأثرة بشخصية سي سيد جدا بمميزاتها وعيوبها مع اني مش شايفة انه كان في مميزات, في ناس شايفة انه لازم الراجل يبقى أسد في بيته وفي نفس الوقت هو حر في حياته مش هتفرق لو راح عمل علاقات مع راقصات ,في النهاية هو راجل ميعيبوش حاجة ومحدش هيتكلم عليه, المهم يبقى حمش ويعرف ازاي يأدب مراته, والله في ناس بتفكر كدة, حتى في بنات برده شايفة ان ده ممكن يكون مقبول وبتبقى مقتنعة ان لو جوزها خانها وعمل علاقة مع غيرها مفيش مشكلة هتزعل شوية منه بعدين يصالحها بكلمتين وخلاص أصله راجل,لكن طبعا لو هي اللي خانته لازم تتدبح, في لحد دلوقتي رجالة وكمان ستات مقتنعين تماما ان عادي جدا ان الراجل يكونله علاقات محرمة مع الستات,وده ميقللش من رجولته في حاجة , يا لولو أنا بسمع حكايات تشيب ولو قعدت أحكيلك هتشيبي انتي كمان فا مفيش داعي كفاية أنا شبت
ومتبقيش تغيبي تاني بقى
طيب ممكن اقول رأيى؟
هو فعلا وهم سى السيد
عمر ما مصر كان فيها حاجه اسمها سى السيد
قصة نجيب محفوظ هو نفسه بعضمه لسانه قال انا كنت بكتب عن حالات شاذه وفريده مش العامة فى المجتمع
والدليل ياستى انا كل اللى أعرفهم كل أمهاتهم هموا أقوى من الاباء
وطبعا مش شرط
انما سى السيد ده ماحصلش الا فى ظروف نادره قوى
والدليل التانى ياستى شوفى الصعيد
هاتلاقى الست كلمتها هى اللى بتمشى
على كل حال ياستى بنحاول نفهم اهه
:)
سلام
حسن محمود
طبعا ممكن تقول رأيك,وأهلا برأيك في مدونتي المتواضعة في أي وقت
أنا بختلف معاك في ان مصر عمر ما كان فيها سي سيد,للأسف مصر فيها شخصيات زي سي سيد لكن يمكن يكونوا مش بنفس الصورة اللي ظهرت في الفيلم أوي ,لكن زي ما قلت قبل كدة في رجالة بيعتقدوا انه عشان راجل لازم كلمته تمشي سواء كلمته صح أو غلط وان مفيش مشاكل انه يكون متسلط وانه يهين مراته ,ومفيش مشاكل لو خانها,وبيشوف انه لو مبقاش الشخصية ده مش هيبقى راجل في بيته,هو ده سي سيد, طب انا هحكيلك على موقف حصل قريب
كنت في شرم الشيخ وكان سواق الباص اللي كنت رايحة فيه نازل معانا في الأوتيل,طبعا في شرم الشيخ المايوهات منتشرة هناك في كل مكان,شفت السواق أكتر من مرة بيعاكس بنات ,وحسيت طبعا من تصرفاته ده انه شخص مش محترم,المهم بعد كده سمعته بيتكلم مع واحد بيقوله أنا على فكرة منقب مراتي ومبخليهاش تظهر قدام حد أبدا غير بالنقاب
انت مش متخيل أنا احتقرت الراجل ده قد ايه, هو طبعا مش منقب مراته عشان هو شخص متدين أو محترم,لكن هو عايز يبقى سي سيد,هو شايف ان الرجولة انه ينقب مراته ,وان الناس تعرف انه فارض على مراته النقاب عشان يقولوا ده راجل,وان الناس لو شافته وهو بيعاكس ستات هيقولوا ده راجل أهه ده واحد من الرجالة اللي بيفكروا كدة ومقتنعين جدا بحياتهم كدة
وعلى فكرة أنا مش ضد ان الراجل يبقى شخصيته قوية ويبقى لي كلمة في بيته,بالعكس,لما يبقى انسان محترم وبيراعي ربنا في مراته وبيحترمهاومتفاهم معاها,أكيد من حقه انه يبقى ليه كلمة في بيته,وفي فرق ان يبقى لي كلمة في بيته وانه يبقى انسان متسلط,أما بالنسبة لموضوع ان في ستات بيمشوا كلمتهم على الرجالة فا ده برده مش مقبول, لأن المسألة مش مسألة مين يمشي كلمته على مين ,لكن ببساطة لازم يبقى في احترام وحب متبادل بين الزوجين
مش عارفة حسا اني رغيت كتيير بس معلش بطلع اللي جوايا وجت فيك بقى يا أبو علي
:)
طيب ياستى
خلينى معاكى
فى رجاله بهذا القدر من السوء
طيب هو جاب الكلام ده منين ؟
مش الست اللى هى المفروض أمه هى اللى بتربى ؟
يعنى انا كده بقلب الترابيزه عليكى
خلينا نبص ليه الرجاله بقيت كده؟
أو بالأصح ليه فى رجاله كده؟
دى ياستى ترجع لحاجات كتير منها التربية ومنها انهيار الاخلاق
قوليلى صحيح بس بالحق
أنتى حاسه فعلا ان فى اضطهاد للمرأه؟
وأنها مش واخده حقوقها ؟
;)
وشكرا على اجابتك اللى فاتت وياستى طلعى كل اللى فى نفسك
ودمتى بخير
سلام
حسن محمود
أنا مش هختلف معاك ان في ستات عندهم برده الفكر ده وأكيد لما ست هتربي ابنها على كدة يبقى هي برده جوزها كدة وأبوها كان كدة,بس المشكلة أصلا في ثقافة الشعب والمجتمع الذكوري ,ده في بعض الناس بتفتكر ان الراجل في مكانة أعلى من الست حتى عند ربنا لمجرد انه راجل,بص أنا رأيي برده ان من ضمن الأسباب هو البعد عن الدين, وبالنسبة لسؤالك ,طبعا أنا شايفة ان لسة الست مخدتش كل حقوقها ولسة في مشاكل ,ده حتى في بعض القوانين فيها تفرقة في العقوبات ما بين الراجل والست
بس خلاص, مش هرغي بقى زي المرة اللي فاتت لحسان أنا ما بسدأ
وتحياتي يا ابو علي
:)
مروة ازيك ؟؟وحشتيني
الموضوع مهم اوي عشان بجد في سن بتكون فيها البنات متيمة في شخصية الراجل الحمش القوي الي كل شوية يزعق ودا ممنوع ودا كده ودا لا ومش بيكونوا فاهمين كلمة سي السيد صح يعني هو اسم وكده بس بيتهيئلي البنت لما توعى وتفهم ايه يعني راجل وايه يعني يكون متفهم ومتعاون والشخصية القوية مش معناها الضرب والكلام ده بيتغير تفكيرها
يمكن صحبويه وكده اه بس زواج اكيد حيفشل لانه انسان مش عنده تفهم ابدا
تحياتي وبوست رائع وافكارك جميلة
رشا يا قمر
انتي كمان وحشتيني جدا جدا وبنبسط جدا لما بتعدي على المدونة بتاعتي
وبالظبط زي ما قلتي سي سيد ده شخص معندوش تفاهم وبضيف أنا أنه بيبقى شخص أناني ومبيسمعش غير نفسه, وفعلا شخص بالمواصفات ده مينفعش يكون زوج أو رب أسرة
وميرسي لتعليقك يا رشا ونورتي المدونة
ايه يا مروة يا حبيبتي مش قصدهم انهم يكونوا زي سي السيد من النواحي السلبية يقصدوا النقط الايجابية لان استحالة في بنت تقبل يكون جوزها زي سي السيد من الوش التاني وبعدين اصل الشباب اليومين دول بقوا خيخة قوي اه واللهي بقى نارا ما تلاقي واحد يتحمل مسؤولية كده وحمش ادعيلي يا مروة ربنا يرزقنا بواد كده غيور وحمش مش تيس مستعار كفاكم الله شر هذا النوع من الرجال
Post a Comment
<< Home